Желіде ат үстінде ойқастаған әскери қызметшінің видеосы тарады

Әлеуметтік желілерде ҚР ІІМ Ұлттық ұланының әскери қызметшісі капитан Ұлан Борамбаевтың қатысуымен түсірілген бейнеролик танымалдылыққа ие бола бастады, деп жазды madeniportal.kz.

Кадрдан Ұлттық ұланның туын көтерген жауынгер астына мінген тұлпарымен ашық аспан астында атойлап алға шапқанын көруге болады. Кейін оған әскери формадағы ару қосылады.  Бұл көрініс желі қолданушылары тарапынан жағымды пікірлерге ие болды.

Instagram және TikTok қолданушылары бұл бейнероликті патриотизмнің және әскери дәстүрлерге адалдықтың бейнесі ретінде қабылдаған.

- Мен Ұлттық ұланның жалауын ұстаған кезде халқымыздың рухы мен тарихының ұлылығын сезінемін. Мен бұған дейін әлеуметтік желілерде Ұлттық ұлан әскери қызметшілерінің қатысуымен бейнероликтерді тамашаладым. Мұндай трендтік бейнероликтер әскери құрылымдар қатарындағы Ұлттық ұланның имиджін арттырады. Сондықтан мен осы ортақ іске өз үлесімді қосқым келді. Бейнероликтің көпшілікке ұнағанына қуаныштымын, - деп бейне роликтің басты кейіпкері.

Капитан Ұлан Борамбаев ҚР ІІМ Ұлттық ұланының қатарында 12 жылдан бері қызмет етіп келеді. Әскери мансабында ол "Ұлттық ұлан қызметінің үздігі", "Қоғамдық тәртіпті сақтағаны үшін" ведомстволық төс белгілерімен және Ішкі істер министрлігі мен Ішкі істер министрінің орынбасары – Ұлттық ұланның Бас қолбасшысы атынан грамоталармен марапатталған. Қызметтен тыс уақытта ұландық спортпен белсенді түрде айналысады. Ұлттық ұланның волейбол және футбол командаларының бетке ұстар ойыншысы.

Айта кетейік, бұл ҚР ІІМ Ұлттық ұланының әлеуметтік желілерде танымал болған жалғыз бейнеролигі емес. Бұған дейін #2006 хэштегі бойынша бейнероликтер желіде көп қаралым жинаған, онда басты кейіпкерлер - Ұлттық ұлан әскери қызметшілерінің балалары. Сондай-ақ Алматыда орналасқан Бауыржан Момышұлы атындағы 5571 әскери бөлімінің материалдық-техникалық қамтамасыз ету ротасының әскери қызметшісі Бандар Исаевтың бейнеролигі танымал болды. Оның керемет лезгинка элементтері мен заманауи қимылдары бар трендтік биі TikTok-та ең танымал бейнероликтер қатарына енген.

<

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от ҚР Ұлттық ұланы (@national_guard_kaz)

>