Спикердің сөзінше, Алматы онкология орталығының негізгі жетістіктерінің бірі — онкологиялық ауруды ерте диагностикалау.

Алматы емханалары онкологиялық аурудың ерте сатысында скринингтік зерттеу жүргізуде кәсібиліктің жоғары деңгейін көрсетуді жалғастырып келеді. 

Онкологиялық көмектің I деңгейі шеңберінде алғашқы медициналық-санитариялық көмектің 76 медициналық ұйымы (МСАК) қатерлі ісікке дейінгі және обыр ауруын анықтау бойынша белсенді жұмыс істейді. 

Халықтың мақсатты тобын скринингтік тексеруден өткізу, жатыр мойны, сүт безі және тоқ ішек қатерлі ісіктері сияқты ауруды уақтылы анықтауға мүмкіндік береді.

2024 жылдың алғашқы алты айында емханаға келгендердің 72%-ы тексеру кабинеттерінде қаралды — бұл 289 121 науқас, бұл 2023 жылдың сәйкес кезеңімен салыстырғанда (248 217 адам) айтарлықтай өсімді көрсетеді.

Қатерлі ісікті ерте сатысында анықтау 40%-ға дейін өсті.

2024 жылы 54 186 әйел жатыр мойны обырының скринингінен өтті, бұл жоспарлы қамтудың 665-ын құрады. 

Жатыр мойны обырының 29 жағдайы анықталды, оның 85%-ына I кезеңде диагноз қойылған.

Тоқ ішек қатерлі ісігінің 28 жағдайы анықталды, оның 25%-ына I кезеңде диагноз қойылған.

Анықталған ауруы бар барлық науқас мамандандырылған ем алды.

Ерте диагностика қатерлі ісіктен болатын жалпы өлім-жітімнің төмендеуіне ықпал етеді.