«Аватар 2» 13 жылдан кейін көрерменге жол тартады

Басты бет > КИНО > «Аватар 2» 13 жылдан кейін көрерменге жол тартады

«Аватар 2» 13 жылдан кейін көрерменге жол тартады

КИНО 11.05.2022

2688

Disney студиясы «Аватар 2: су жолы» атты блокбастерге Джеймс Кэмеронның көптен күткен сиквелінің трейлерін ұсынды. «Аватар 2: су жолы» кино тарихындағы ең қымбат жобалардың бірі болуы мүмкін, деп хабарлайды madeniportal.kz.

«Аватар 2: су жолы» Джеймс Кэмеронның ғылыми-фантастикалық эпосының жалғасы. Бас кейіпкер Джейк Салли өзінің жаңа үйі мен отбасын жау шапқыншылығынан қорғау үшін Навиліктердің көшін бастайды. Пандораның әдемі планетасына тағы да жерден қауіп төнеді.

Картинаның режиссері – Джеймс Кэмерон, ал продюсерлері – Кэмерон мен Джон Ландау. Фильмде Зоя Салдана, Сэм Уортингтон, Сигурни Уивер, Стивен Лэнг, Клифф Кертис, Джоэль Мур, Си Си Эйч Паундер, Эдди Фалко, Джемен Клемент сынды актерларды көруге болады.

«Аватар 2: су жолы» фильмінің трейлері Диснейдің Youtube каналында 4K сапада шықты. Бір күнде ролик 10 миллионнан астам көрсетілімге ие болды. Фильмнің бюджеті 250 миллион долларды құрайды.

Нұрсана Қанағатқызы,
174 мектеп-гимназияның 11-сынып оқушысы

#КИНО

Бөлісу: