«Берлинале 2020» жеңімпаздары

Мерейтойлы фестиваль біраз өзгерісімен ерекшеленді. 2020 жылы кинофестивалді директорлар ретінде Карло Шатриан мен Мариэтт Риссенбек басқарды. Олар 2001 жылдан бері директор болып келген Дитер Коссликті алмастырды.

Сонымен қатар екі конкурстық бағдарламаға тағы біреуі қосылды – «Қақтығыстар» («Encounters«).

Енді жеңімпаздар туралы:

Негізгі конкурс

• «Алтын аю» – «Шайтан деген өтірік» / «Sheytan vojud nadarad» (Мохаммад Расулоф)
• Әділқазылар Гран-приі – «Ешқашан сирек кейде әрқашан» / «Never Rarely Sometimes Always» (Элиза Хиттман)
• Үздік режиссерлік жұмыс үшін «Күміс аю» – Хон Сан Су («Қашқын әйел» / «Domangchin yeoja»)
• Үздік әйел рөлі үшін «Күміс аю» – Паула Бер («Ундина» / «Undine»)
• Үздік еркек рөлі үшін «Күміс аю» – Элио Джермано («Мен жасырынғым келді» / «Volevo nascondermi»)
• Үздік сценарий үшін «Күміс аю» – ағайынды Д’Инноченцо («Нашар ертегілер» / «Favolacce»)
• Кино өнері саласындағы көрнекті жетістіктері үшін «Күміс аю» – операторлық жұмысы үшін Юрген Юргес («ДАУ. Наташа»)
• 70 Берлиналенің «Күміс аюы» – «Тарихты өшіру» / «Effacer l’historique» (Бенуа Делепин, Густав Керверн)

«Қақтығыстар» конкурсында С. В. Винтер мен Андерс Эдстрёмнің «Жұмыс пен күндер» (Таёко Сиодзири Сиотани аңғарында) / The Works and Days (of Tayoko Shiojiri in the Shiotani Basin) фильмі үздік деп танылды. Ал қысқаметраж фильмдер конкурсында «Т» (Кейша Рэй Уизерспун) картинасы «Алтын аю» алды.