«4 адам зорлап, балконнан лақтырып жіберген»: Алматы облысында 20 жастағы қыздың туыстары шындықты айтты

Ол бөлмеде екі немесе үш адам болған. Олардың қатысы болмай, ол өз-өзінен терезеден секіріп кетпейді ғой. Бөлмеде қанның ізі бар, жерде жатқан тіс бар, “төбелес болған” дейді көршілері. Қайғылы оқиға болған күні бөлмеде айқай-шу, төбелес болғанын айтты. Тергеушілер қанды оқиғаны тек суицид деп қарап, қызымның күйеуінен бөлек сол күні пәтерде болған тағы үш адамнан жауап алмаған, – деді марқұмның әкесі Тәуекел Жекебай.

Қызым қайғылы оқиға болатын күннің алдында “Енемнің достары біздің үйге тойлатуға келе жатыр екен. Неге өз үйлерінде емес, біздің үйге келе жатыр мама”, - деп ренішін білдірді да кетіп қалды. 4 адам қызымды зорлық-зомбылықпен өлтіріп, балконнан лақтырып жіберген. Себебі қызымның денесіндегі жарақаттарды көрдік. Қолында көгерген іздер бар. Оның суреттері бізде сақтаулы. Өз-өзіне қол салды дегенге біз сенбейміз. Қызымның өліміне кінәлі адамдар жазасын алсын, 25 жылға дейін соттасын. Қызымды қорлап өлтіріп отыр. Тергеу әділ жүріп жатқан жоқ, – деді марқұмның анасы Гүлжан Жақып.