2025 жылдың басынан бері Ақмола облысында туберкулезден төрт адам қайтыс болды, деп хабарлады madeniportal.kz.
Санитарлық дәрігерлердің мәліметінше, өлімге себеп болған – ауруды кеш анықтау. Қайтыс болғандардың арасында науқаспен байланыста болған, бірақ дәрігерлерге өз жағдайы туралы хабарламаған жас әйел бар.
«Туберкулезбен ауыру себептері бұрынғысынша қалып отыр: медициналық көмекке кеш жүгіну, флюорографияны уақытылы өтпеу, материалдық қиындықтар, қосымша аурулардың болуы. Адамдар көбіне өз бетінше емделіп, медицина ұйымдарынан бой тасалайды», – деді Ақмола облысы санитариялық-эпидемиологиялық бақылау департаментінің бас маманы Жанаргүл Есімжанова.
2025 жылдың басынан бері өңірде туберкулездің 111 жаңа жағдайы тіркелген.
