Блогер полицейді көтеріп айналдырған: Астанада екі қызметкер жұмыстан қуылды (ВИДЕО)

Астанада египеттік танымал тревел-блогермен бірге видеоға түскен туристік полицияның екі қызметкері жұмыстан шығарылды, деп хабарлады MadeniPortal.kz.

Әлеуметтік желіде қызу талқыға түскен роликтен кейін Астана қаласының Полиция департаменті қызметтік тексеру жүргізген.

Желіде тараған кадрлар «Хан Шатыр» маңында түсірілген. Видеода египеттік саяхатшы-блогер Ахмед Хаггагович (Haggagovic) қызметтік формадағы екі полиция қызметкерімен бірге бірнеше қимыл жасап, кейін олардың бірін қолына көтеріп, айналдырады.

Ролик әлеуметтік желіге тарағаннан кейін полиция қызметкерлерінің қызметтік формада мұндай әрекетке баруы қоғамда пікірталас тудырды. Бірқатар желі қолданушысы мұны шетелдік туристпен еркін қарым-қатынас деп қабылдаса, енді бірі тәртіп сақшылары қызмет барысында кәсіби арақашықтықты сақтауы керек екенін айтып сынға алды.

Осыған байланысты Астана қаласының Полиция департаменті қызметтік тексеру жүргізді. Нәтижесінде екі қызметкердің де қызметтік әдеп нормалары мен ішкі істер органдары қызметкерлерінің мінез-құлқына қойылатын талаптарды бұзғаны анықталған.

Қызметтік тексерудің қорытындысы бойынша видеодағы екі қызметкер де ішкі істер органдарынан шығарылды.

Айта кетейік, видеоны жариялаған Ахмед Хаггагович – Египеттен шыққан танымал саяхатшы-блогер. Ашық деректерде оның әлемнің 193 елін аралағаны және әлеуметтік желілердегі жалпы аудиториясы 10 миллионнан асатыны айтылады.

Бұған дейін аталған видео қазақстандық әлеуметтік желілерде кеңінен тарап, полиция қызметкерлерінің әрекетіне қатысты түрлі пікір айтылған еді.

@almatyofficial

В Астане тревел-блогер поднял сотрудницу полиции и покружился с ней: началась служебная проверка Известный тревел-блогер Haggagovic опубликовал в социальных сетях видео, снятое в Астане. На кадрах блогер поднимает сотрудницу полиции и кружится вместе с ней. Видео вызвало активное обсуждение среди пользователей социальных сетей. Одни восприняли произошедшее как шутку, другие задаются вопросом, насколько уместно подобное поведение сотрудника полиции при исполнении служебных обязанностей. Полиция Астаны сообщила, что по данному факту начата служебная проверка. «По данному факту проводится служебная проверка. По её итогам в отношении сотрудников будут приняты дисциплинарные меры», — сообщили в полиции. Отметим, что Ахмед Хаггагович — тревел-блогер, побывавший в 193 странах мира. Его общая аудитория в социальных сетях составляет около 10 миллионов подписчиков. ……. Астанада тревел-блогер полицей әйелді көтеріп, айналдырған: қызметтік тексеріс басталды Әлемге танымал тревел-блогер Haggagovic Астанада түсірілген видеосын әлеуметтік желіде жариялады. Кадрда блогер полиция қызметкерін көтеріп алып, онымен бірге айналып тұрғанын көруге болады. Видео әлеуметтік желі қолданушылары арасында қызу талқыланып жатыр. Бірі бұл көріністі әзіл ретінде қабылдаса, енді бірі қызметтік міндетін атқарып жүрген полиция қызметкерінің мұндай әрекетке қатысуы қаншалықты орынды екеніне сөз етуде. Астана қаласының полициясы аталған жағдайға қатысты қызметтік тексеріс басталғанын хабарлады. «Аталған факт бойынша қызметтік тексеріс жүргізілуде. Оның қорытындысы бойынша қызметкерлердің әрекетіне қатысты тәртіптік шаралар қабылданады», — деп хабарлады полиция. Айта кетейік, Ахмед Хаггагович — әлемнің 193 елінде болған саяхатшы-блогер. Оның әлеуметтік желілердегі жалпы аудиториясы шамамен 10 миллион жазылушыны құрайды.

♬ оригинальный звук - ALMATY OFFICIAL