Елімізде Атом есімін иеленген қанша азамат бар?

Қазақстанда Атом есімді 5 адам тұратын болып шықты. Олардың ең кішісі – 3 жаста, ал үлкені – 66 жаста, деп хабарлайды madeniportal.kz Halyq Uni тілшісіне сілтеме жасап. 

Ұлттық статистика бюросының мәліметінше, Атом есімін иеленген қазақстандықтар Ақмола, Қостанай облыстарында, сондай-ақ Алматы, Астана қалаларында тұрады.

Сонымен қатар құрамында «атом» сөзі бар мынадай есімдер де кездеседі:

• Атомжан – 2 адам;
• Атомбек – 6 адам;
• Атомвек – 2 адам;
• Атомтай – 1 адам.

Бұл есім иелерінің 80 пайызы – 47 жастан асқан және Қазақстанның 11 өңірінде тұрады.

Еске сала кетсек, 2 қыркүйекте президент Қасым-Жомарт Тоқаев атом электр стансасы (АЭС) құрылысы бойынша 6 қазанда республикалық референдум өткізу туралы Жарлыққа қол қойған болатын. 3 қыркүйекте Орталық сайлау комиссиясының отырысында АЭС салу бойынша референдум өткізудің күнтізбесі бекітілді.

Сондай-ақ бұған дейін Орталық сайлау комиссиясының өкілдері Қазақстанда АЭС салу бойынша референдумды ұйымдастыруға және өткізуге 15,5 млрд теңге жұмсалатынын мәлімдеген еді.