Ерлан Қошанов Қазақстан Халық Кеңесінің төрағасы болып сайланды

Ерлан Қошанов Қазақстан Халық Кеңесінің төрағасы болып сайланды, деп хабарлайды MadeniPortal.kz.

Бүгін Мемлекет басшысы Қасым-Жомарт Тоқаев Қазақстан Халық Кеңесі төрағасы лауазымына Ерлан Қошановтың кандидатурасын ұсынған еді.

Айта кетейік, Ерлан Қошанов 2022 жылдан 2026 жылға дейін Мәжіліс төрағасы қызметін атқарды. 

Ерлан Жақанұлы Қошанов – еңбек жолын өндірістен бастап, Парламентте, Үкіметте, Президент Әкімшілігінде және өңір басшылығында бірқатар жоғары лауазым атқарған. Негізгі атқарған қызметтері: 

• 1984 жылдан – Жезқазған кен-металлургия комбинаты байыту фабрикасында слесарь, кейін шебер;
• 1988–1990 – Қазақстан ЛКЖО Жезқазған облыстық комитетінде түрлі қызметтер;
• 1990–1995 – Жезқазған облыстық сыртқы экономикалық байланыстар комитетінде жетекші маманнан комитет төрағасына дейін;
• 1995–1999 – ҚР Парламенті Сенатының депутаты;
• 1999–2001 – Үкіметтің Парламенттегі өкілі;
• 2001–2003 – Премьер-Министр Кеңсесі басшысының орынбасары – Үкіметтің Парламенттегі өкілі;
• 2003–2006 – Көлік және коммуникация вице-министрі;
• 2006–2007 – Көлік және коммуникация министрлігі Азаматтық авиация комитетінің төрағасы;
• 2007–2012 – Премьер-Министр Кеңсесі басшысының орынбасары – Үкіметтің Парламенттегі өкілі;
• 2012–2017 – Премьер-Министр Кеңсесінің басшысы;
• 2017–2019 – Қарағанды облысының әкімі;
• 2019–2022 – ҚР Президенті Әкімшілігінің басшысы. 2022 жылғы 1 ақпанда басқа жұмысқа ауысуына байланысты бұл қызметтен босатылды.
• 2022 жылғы 1 ақпаннан – ҚР Парламенті Мәжілісінің төрағасы болып сайланды.