Мәслихат сайлауы: кандидаттарға қанша қаржы бөлінеді?

ОСК кандидаттарға сайлау шығындары үшін бюджеттен қанша ақша бөлінетінін жариялады, деп хабарлайды MadeniPortal.kz.

Қаржы үш бағытқа бөлінеді. 

Астана, облыстар және республикалық маңызы бар қалалар мәслихаттарының депутаттығына кандидаттарға:

Теледидар, радиода сөз сөйлеуге және екі мақалаға - 410 мың теңге;

Үгіт пен іс-шараларға - 180 мың теңге;

Жол шығындарына - 110 мың теңге. 

Қалалық мәслихаттар депутаттығына үміткерлердің шығындарына бөлінетін қаржы: 

Теледидар, радиода сөз сөйлеуге және екі мақалаға - 400 мың теңге;

Үгіт пен іс-шараларға - 170 мың теңге;

Жол шығындарына - 80 мың теңге.

Аудандық мәслихаттар депутаттығына кандидаттарға:

Теледидар, радиода сөз сөйлеуге және екі мақалаға - 290 мың теңге;

Үгіт пен іс-шараларға - 130 мың теңге;

Жол шығындарына - 80 мың теңге.

Айта кетейік, мәслихат сайлауы 29 қарашада өтеді.

Мәслихат — жергілікті деңгейдегі халықтың өкілді органы. Оның депутаттарын тұрғындар сайлайды.

Мәслихат қандай қызмет атқарады?

• Бюджетті бекітеді: қала, аудан немесе облыс қаражатының қай бағыттарға жұмсалатынын қарастырады.
• Жергілікті мәселелерді шешуге қатысады: жол, қоғамдық көлік, мектеп, аурухана және басқа да әлеуметтік нысандарға қатысты мәселелерді талқылайды.
• Тұрғындардың мүддесін қорғайды: халықтың ұсыныстары мен проблемаларын мемлекеттік органдарға жеткізеді.
• Әкімдіктің жұмысын бақылайды: өз құзыреті шегінде жергілікті атқарушы органдардың жұмысына қатысты мәселелерді қарайды.