Басты бет > ЖАҢАЛЫҚТАР > Петропавлда көшеден темекі тауып алған қыз жансақтау бөліміне түсті

Петропавлда көшеден темекі тауып алған қыз жансақтау бөліміне түсті

ашық дереккөз

ЖАҢАЛЫҚТАР 31.03.2026

157

Петропавлда көшеден тауып алған темекіні шеккен қыз жедел түрде жансақтау бөліміне жеткізілді, деп хабарлады MadeniPortal.kz.

Науқастың айтуынша, ол көшеден темекі тауып алып, оны шегіп көрген. Көп ұзамай мазасыз белгілер пайда болған: қолының дірілі, қатты бас айналу, үрейдің күшеюі. Жағдайы тез нашарлай бастаған.

Қыз ауыр хәлде жедел медициналық жәрдем көрсететін көпсалалы қалалық ауруханаға жеткізілді. Тексеруден кейін ол бірден жансақтау бөліміне ауыстырылды.

Дәрігерлердің мәліметінше, себептері:

есірткілік улану;
экзогендік интоксикация;
нақты анықталмаған заттардың уытты әсері;
интоксикациялық синдром;
орташа ауырлықтағы теміртапшылық анемия.

Науқас бір тәулік бойы жансақтау бөлімінде тәулік бойы бақылауда болды, сондай-ақ тағы 4 күн терапия бөлімінде ем қабылдады.

Жағдайы тұрақтанған соң, ол қанағаттанарлық күйде үйіне шығарылды.

Дәрігерлер ескертеді: белгісіз заттарды, тіпті бір рет қолданудың өзі, ауыр салдарға – уланудан бастап өмірге қауіп төндіруге дейін алып келуі мүмкін.

#ЖАҢАЛЫҚТАР

Бөлісу: