Қарағанды облысында 15 жастағы қызды тұрмысқа берген

Қарағанды облысының полиция департаменті 15 жастағы қызға қатысты жасалған қылмыс бойынша іс қозғалды, деп хабарлайды Madeniportal.kz Ulysmedia.kz сайтына сілтеме жасап.

Кәмелетке толмай тұрмысқа күштеп берілген және зорлық-зомбылық көрген қыз баланың басындағы тауқыметті Немолчи қоры жария етті. Қордың таратқан ақпаратына сүйенсек, өгей әке 15 жасар қызын 38 жастағы танысына тұрмысқа берген. Ал ол қызға бес күн бойы зорлық көрсеткен.

«Не молчи» қорының негізін қалаушы Дина Смаилованың айтуынша, бұл жағдай Қарағанды облысының Абай қаласында болған. 

Қыздың ағасы бізге хабарласты. Бес күн көрген қорлықтан кейін қыз қашып шығып, туған әкесіне келген. Әкесінің жүрегі ауырады. Олар бірден арыз жазды. Әдеттегідей өтінішті қабылдамай, сараптамаға жібермей уақытты созған. Іске біз араласқаннан кейін ювеналды полиция қызды Қарағандыға медициналық тексеруге жіберді. Бірақ бірге барған тергеуші құжатты дұрыс рәсімдемей, тексеруден өте алмай қайтты”, – деп жазды ол.