Қарағандыда екі ер адам мен бір әйелдің денесі өзеннен табылды

ЖИ

ЖАҢАЛЫҚТАР
17

Қарағанды облысында балық аулауға шыққан екі ер адам мен бір әйел мұз астына түсіп кетіп, суға батып қаза тапты. Олардың денесін құтқарушылар түнгі іздестіру жұмыстары кезінде тапты, деп хабарлайды  MadeniPortal.kz.

Облыстық Төтенше жағдайлар департаментінің мәліметінше, 17 қараша күні таңғы сағат 06:00 шамасында 1959 және 1963 жылы туған екі ер адам мен 1963 жылы туған әйел Бородиновка ауылынан 15 шақырым жердегі өзенге балық аулауға кеткен. Алайда үшеуі де үйіне оралмаған.

Олардың жоғалғаны туралы хабар құтқарушыларға сол күні сағат 23:40-та түскен. Іздестіру жұмыстарына ұшқышсыз ұшу аппараты, тепловизор, сүңгуір жабдықтары және Starlink спутниктік байланыс жүйесі жұмылдырылған.

«18 қарашада сағат 01:18-де құтқарушылар үш адамның денесін судан алып шықты. Олар жағадан 10 метр қашықтықта, 2,5 метр тереңдікте жатқан», – деп хабарлады ТЖД.

Алдын ала мәлімет бойынша, балықшылар мұз астына түсіп кетіп, суға батып кеткен. Марқұмдардың ешқайсысында құтқару кеудешесі болмаған.

Қазіргі уақытта қайғылы оқиғаның мән-жайы анықталып жатыр.

ЖАҢАЛЫҚТАР

Ақмола облысында бір тәулік ішінде үш ауыр жол-көлік оқиғасы тіркеліп, алты адам көз жұмды. Тағы төр...

ЖАҢАЛЫҚТАР

Азия ойындарының чемпиондарына берілетін ақшалай сыйақы 50 мың долларға дейін өсті. Бұл туралы Туриз...