Басты бет > Жаңалықтар > Қоршалмаған құрылыс орнындағы құдыққа құлап бала қайтыс болды

Қоршалмаған құрылыс орнындағы құдыққа құлап бала қайтыс болды

Фото: freepik.com

Жаңалықтар 14.10.2024

434

Ақмола облысының кәсіпкері құрылысы бітпеген бақтағы бала өлімі үшін шартты түрде сотталды. Қайғылы оқиға Төңкеріс ауылында 2023 жылдың жазында болған. Төрт жасар бала қараусыз қалған құрылыс алаңының аумағына емін-еркін кіріп, құдыққа құлап, суға батып кеткен, деп хабарлайды madeniportal.kz Orda.kz-ке сілтеме жасап.

Сот анықтағандай жергілікті құрылыс компаниясының директоры балабақша құрылысын 2018 жылы бастаған. Бірнеше жылдан кейін ол ақшаның жоқтығынан жұмысын тоқтатты. Алайда, ол жерді қоршамаған.

Сондай-ақ қауіпті аймақтар, оның ішінде құдықтар жабылмаған. Сайып келгенде, бұл қайғылы жағдайға әкелді. Төрт жасар бала ашық шұңқырға құлап, мерт болды.

Шортанды аудандық соты ЖШС директорын Қылмыстық кодекстің 277-бабының 2-бөлігімен кінәлі деп танып, құрылыс саласындағы қызметке тыйым салумен қатар үш жылға шартты түрде бас бостандығынан айыру жазасын тағайындады.

Үкім шығару кезінде сот сотталушының кінәсін мойындағанын және шын жүректен өкінгенін, сондай-ақ келтірілген залалды өтегенін ескерді.

#Жаңалықтар

Бөлісу: