Құдалық өткізуге, киіт кигізуге, марқұмға ас беруге тыйым салынды

Қырғыз билігі құдалыққа, киітке, марқұмға ас беруге тыйым салмақ, деп хабарлайды MADENIPORTAL.KZ Orda.kz сайтына сілтеме жасап.

Бұл туралы Жоғарғы кеңес мәлімдеді. Бұған дейін депутаттар марқұмның қырық күндік асы мен жыртыс таратуға тыйым салынғанын хабарлаған еді. 

Жаңа заң жобасы бойынша, марқұм қайтыс болғаннан кейін үш күндік, жеті күндік, қырық күндік және жылдық астары берілмейді. 

Заң жобасына сай, үш пен жеті күндік, қырық күн мен жылдық асты беруге болмайды. Ал үйлену тойы да ел арасында бәсекелестік туындатқандықтан, тойдағы ысырапшвлықтың да алдын алу көзделген. Үйлену тойға бір ірі қара мал сойып, 250 адамнан аспайтын қатысушымен өткізіледі. Қыз ұзатуға бір ірі қара мал сойып, шақырылатын қонақ саны 100 адамнан аспауы шарт. Сонымен қатар той кезінде құдалық өткізуге және киіт кигізуге тыйым салынды.

Заң талаптарын бұзған азаматтарға 300 мың сом айыппұл салынуы мүмкін. Ал мейрамхана иелері 591 мың теңге айыппұл төлейді.