Серікзат Дүйсенғазының шығармашылық кеші өтті

Белгілі ақын Серікзат Дүйсенғазы шығармашылық кеш өткізді, деп хабарлайды madeniportal.kz.

Салтанатты кеш кеше, 8 желтоқсан күні Еркеғали Рахмадиев атындағы мемлекеттік академиялық филармониясының концерт залында өтті. Серікзат Дүйсенғазы — ақын, филология ғылымдарының кандидаты, Л.Н. Гумилев атындағы ЕҰУ филология факультетінің деканы, «Құрмет» орденінің иегері.

Бұл кеште ақынның жүрекке жақын шығармалары мен алтын қорға енген әндері орындалды

«Концертке филармонияның Қазақ оркестрі, Alem заманауи би балеті, сонымен қатар қазақ эстрадасының жарық жұлдыздары «МузАрт» тобы, Өмірқұл Айниязов, «Жігіттер» квартеті, Заттыбек Көпбосынұлы, Қанат және Света Айтбаевтар, Досымжан Таңатаров, Роза Әлқожа, Айгүл Қосанова, Өзгеріс Шерікбай, Медет Салықов, Клара Төленбаева, Ардақ Балажанова, Қыдырәлі Болман, Қарақат Әбілдина, Ерлан Рысқали, Қуандық Рахым, айтыс өнерінің шеберлері Серік Қалиев, Ринат Зайытов, Еркебұлан Қайназар өнер көрсетті», - деп жазылған Астана филармониясының желідегі жазбасында.