Шымкентте хайуанаттар бағындағы вольерге кішкентай бала кіріп кеткен (ВИДЕО)

Шымкент хайуанаттар бағында бір бала қояндар тұрған вольерге кіріп, жануарларды қуалап, оларды қорқытып, олармен бірге суретке түскен, деп хабарлады MadeniPortal.kz Tengri Life-қа сілтеме жасап.

Оқиға туралы хайуанаттар бағының әкімшілігі мәлімдеді. Баспасөз қызметінің мәліметінше, келушілердің бірі баламен бірге тыйым салынған аймаққа — тікелей қояндар тұрған вольердің ішіне кірген.

«Бала жануарларды қуалап, қорқытып, олармен суретке түсті. Мұндай әрекеттер жануарларға стресс тудырып, олардың тыныштығын бұзады», — делінген хабарламада.

Жарияланған кадрлардан вольерге кіру оңай болмағаны көрінеді: балаға қоршаудан асып өтуге анасы көмектескен. Оқиғадан кейін қауіпсіздік қызметі бейнебақылау камераларындағы жазбаларды қарап, келушілердің жеке тұлғаларын анықтады.

Баланың ата-анасымен түсіндіру жұмыстары жүргізілді. Оларға хайуанаттар бағына келу ережелері және жануарларға ұқыпты қарау қажеттігі еске салынды.

Әкімшілік аумақта қоршаудан асып өтуге тыйым салынғаны туралы ескерту тақтайшалары орнатылғанын, алайда бұл талаптар ескерілмегенін ерекше атап өтті.

«Хайуанаттар бағы — жануарлардың есебінен көңіл көтеретін орын емес. Бұл — олардың үйі. Ережелерді сақтау — әрбір келушінің жауапкершілігі», — деп атап өтті зоопарк өкілдері.