Таразда жасөспірім қыздың өліміне қатысты тергеу жүргізіліп жатыр

Таразда кәмелетке толмаған қыздың өзіне қол жұмсау фактісі бойынша полиция қылмыстық іс қозғады. Алдын ала мәліметтерге сәйкес, жасөспірім туыстарымен жанжалдасқаннан кейін өз өмірін қиған, деп хабарлады MadeniPortal.kz.

Оқиға 9 маусымнан 10 маусымға қараған түні болған.

«Қазіргі уақытта оқиғаның барлық мән-жайын анықтау мақсатында тергеу жүргізіліп жатыр», — деп хабарлады Жамбыл облысы полиция департаменті.

Ведомство өкілдері Қылмыстық-процестік кодекстің 201-бабына сәйкес өзге мәліметтердің жарияланбайтынын атап өтті.

HALYQSTAN Telegram-арнасының мәліметінше, кәмелетке толмаған қыз ағасымен болған жанжалдан кейін өзіне қол жұмсаған.

Басылымның жазуынша, жасөспірімнің інісімен жеке заттарға байланысты келіспеушілігі туындап, ол кейін төбелеске ұласқан. Жанжал барысында қыз қолына пышақ алып, інісін жарақаттаған. Куәгерлердің айтуынша, баланың маңдайында жеңіл сызат болған.

Анасы балаларды ажыратып, қызын бөлмесіне жіберген. Оны сабырға шақыруға ағасы мен әжесі де тырысқан. Алайда қыз қатты күйзеліске түсіп, жылап, айқайлап, заттарды лақтырып, жақындарымен сөйлесуден бас тартқан. Кейінірек ол тіршілік белгілерінсіз табылған. Алдын ала мәлімет бойынша, ол ауладағы душ бөлмесінде асылып қалған.

Аталған дерек бойынша өз-өзіне қол жұмсауға дейін жеткізу бабымен қылмыстық іс қозғалды.