Ақ үйдегі айтыс: АҚШ вице-президенті Зеленскийдің ұсынысын елер емес

Украина президенті Владимир Зеленский жақында АҚШ вице-президенті Джей Ди Вэнсті Украинаға тағы да шақырды, бірақ ол оның шақыруына жауап бермеген, деп хабарлады MADENIPORTAL.KZ.

Бұл туралы Украина басшысының Time американдық журналына берген сұхбатында айтылған.

Ақпаратқа сәйкес, жақында болған телефон әңгімелерінің бірінде Зеленский Вэнске Украинаға сапары туралы шешімін қайта қарауды ұсынған.

Ақ үйде Дональд Трамп пен Вэнс екеуімен болған жанжал кезінде Зеленский вице-президентке Украинаға барып, елде не болып жатқанын өз көзімен көруді ұсынған болатын. Вэнс болса, ол Украинадағы оқиғалар туралы «сторис» арқылы білетінін айтқан.

28 ақпанда Зеленский Трамппен кездесуге Ақ үйге барды. Журналистердің қатысуымен өткен әңгіме барысында олардың арасында сөз тартыс пайда болып, Трамп Зеленскийге АҚШ-қа деген құрметсіздік танытқаны туралы ескерту жасаған. Ал Вэнс Украинаға көрсетілген қолдау үшін Вашингтонға алғыс айтуы керек екенін айтты. Кездесу қорытындысы бойынша баспасөз-конференциясы өткізілмеді және АҚШ пен Украина арасындағы пайдалы қазбалар туралы келісімге қол қойылмады.