Фестиваль Ақмола облысы әкімдігінің қолдауымен облыстық орыс драма театры және ГИТИС Ресей театр өнері институтымен бірлесіп ұйымдастырылды.

Жергілікті Мәдениет, архивтер және құжаттама басқармасы атап өткендей, театр спектакльдері облыс орталығының бірнеше алаңында өтті. Фестивальге еліміздегі танымал театр сыншылары С.Қабдиева, Е.Жуасбек және шетелдік театр сынышалары Ц.Умуралиева (Қырғызстан), Н.Игламов (Татарстан), Л.Чхартшвили (Гүржістан), Г.Ситковский (Ресей) қазылық етіп, қойылымдарды кәсіби тұрғыдан сараптады. 

Сондай-ақ, фестиваль аясында театр білім зертханасының ашылуы өтті. Оның жұмысына Көкшетау, Нұр-Сұлтан, Қарағанды, Алматы, Ақтау, Ақтөбе және басқа да қалалардың театр ұжымдары қатысып, түрлі шеберлік сағаттарын ұйымдастырды.

«Театр зертханасы әсем табиғатымен тамаша Зеренді ауданында өтуде. Шығармашылық шаралар барысында қатысушылар үшін қазақстандық және ресейлік жетекші театр қайраткерлері мен педагогтардың қатысуымен актерлік шеберлік, қуыршақ театры өнері, практикалық режиссура, театр менеджменті бойынша шеберлік сыныптары өткізіледі», - деп атап өтті ведомстводан.

Халықаралық фестиваль қорытындысы бойынша қатысушылар түрлі аталымдар бойынша марапатталады.

madeniportal.kz