Бақытжан Базарбек министрлік ұсынған заң жобасын сынға алды

Сіздердің фактілерге сенгендеріңізді қалаймын. Мен бұл заң жобасын бастан-аяқ зерттеп шықтым. Сұрақтар бұрынғысынан да көбейді. Мысалы, кодекстің 78-бабы заңның бірінші нұсқасынан көшірілген лоббистік норма. Онда ПДП жылына екі рет түзетіледі. Қоғам оған наразы болған. Құрылыс кодексінде осы түзеле ме десек, Тимур мырза оны алады да, өзгеріссіз қалдырады, – деді депутат.

83-бапты қарасаңыз, функционалдық аумақ туралы. Тау бөктері көшкін жүруі мүмкін орын ретінде қаншама рет ескертілген. Ескі заңнан ол да көшірілген. Ескі заңдағы лоббистерді қорғайтын нормалар жаңа кодекске көшірілген. Бітті, – деді Бақытжан Базарбек.

Жақында көшкін салдарынан Алматыда бір отбасы түгелдей көз жұмды. Сол үйлер тұрған аумақ жалпы қоғамдық орын саналатын. Қоғамдық орындарда құрылыс жүргізбейтін шығар деп ғылыми орта үміттенген. 86-бап болса құрылысшылардың мүддесі үшін қалып отыр. 87-бапта рекрациялық аймақтар туралы айтылады. Құрылысшылар рекреациялық аумақтарды отап, үй салады. 87-бап сол күйі көшірілген. Мұндай заңды оныншы сыныптың оқушысы да жаза алады, бірінші курс студенті дейікші жарайды. Бұл – реферат, курстық жұмыс, – деді Базарбек.

Алдымыздағы Құрылыс кодексінің жобасы 177 бет, 34 бөлім, 200 баптан тұрады. Министрліктің қосқаны бар болғаны 3-4 бөлім ғана. Қалғандары Сәулет, қала құрылысы туралы заң, Жеке тұрғын үй құрылысы туралы заң және үлестік қатысу. Бұл заң жобасында ешқандай жаңалық жоқ. Басқаша айтқанда 3 заңды қосып-қосып бір заң ретінде кіргізе салған, – деді ол.