Кипрдегі супермаркетте қазақстандық әйелге бірнеше рет пышақ сұғылды

22 жастағы Қазақстан азаматы Солтүстік Кипрдегі Никосия қаласындағы супермаркеттердің бірінде болған пышақ шабуылынан кейін аса ауыр жағдайда жатыр, деп хабарлады MadeniPortal.kz.

Оқиға дүкеннің ішінде болған

Жергілікті полицияның мәліметінше, оқиға 3 тамыз күні сағат 11:45 шамасында Metropol Marketсупермаркетінде болған. Әзірге кім екені анықталмаған ер адам белгісіз себеппен бойжеткенге шабуыл жасап, оған бірнеше рет пышақ сұққан.

Шабуылдан кейін күдікті сол пышақпен өзін де жаралаған. Екеуі де шұғыл түрде доктор Бурхан Налбантоглуатындағы мемлекеттік ауруханаға жеткізіліп, қазір дәрігерлердің бақылауында.

Қылмыстың нақты себебі әзірге ресми түрде анықталған жоқ. Полиция тергеуді жалғастырып, оқиғаның барлық мән-жайын анықтап жатыр.

Солтүстік Кипрдің бұқаралық ақпарат құралдарының хабарлауынша, күдікті зардап шеккен қыздың бұрынғы жігіті болуы мүмкін. Алайда құқық қорғау органдары бұл ақпаратты әзірге растаған жоқ.

Алдын ала мәлімет бойынша, зардап шеккен қазақстандықтың есімі – Жанерке Әбдіразақова, жасы – 22-де. Ол шабуыл салдарынан ауыр пышақ жарақатын алған. Дәрігерлер оның өмірін сақтап қалу үшін күресіп жатыр.

Ведомствоның мәліметінше, жағдай министрліктің бақылауында.