Қазақстандықтарға iPhone 17 сатылымының басталу күні аталды

Қазақстандықтарға Apple жаңа құрылғыларын қашан ресми түрде сатылымға шығатыны хабарланды, деп хабарлады MADENIPORTAL.KZ.

Біз Қазақстандағы ірі техника дүкендерінің колл-орталықтарына хабарластық, бірақ олар әзірге нақты баға атаған жоқ — тіпті шамамен де айтпай отыр. Барлығы ресми сатылым басталғанға дейін құпия сақталуда.

Apple ресми сайтында бағалар жарияланды. iPhone Air бағасы 999 доллардан басталады (шамамен 534 мың теңге). Алдын ала тапсырыс жұма күні ашылады, ал смартфон 19 қыркүйекте сатылымға шығады. iPhone 17 — 799 доллардан (шамамен 481 мың теңге),
iPhone 17 Pro — 1099 доллардан (шамамен 593 мың теңге),
iPhone 17 Pro Max — 1199 доллардан (шамамен 647 мың теңге).
AirPods Pro 3 — 249 доллардан (135 мың теңге),
Apple Watch Series 11 — 399 доллардан (215 мың теңге),
Apple Watch Ultra 3 — 799 доллардан (430 мың теңге).
Ремешоктар — 59 доллардан (31 мың теңге).

Алайда қазақстандықтар үшін шынайы жағдай басқаша: презентациядан кейін алғашқы апталарда бағалар «аспанға ұшады». Жаңа iPhone-ды маркетплейстерде 1,5–2 миллион теңгеге дейін бағалап жатса да, оны «бірінші болып» алғысы келетіндер табылады.

Бұрын да осылай болған. Мысалы, 2023 жылы iPhone 15 алдын ала тапсырыспен 1,7 миллион теңгеге сатылған. Өткен жылы, iPhone 16 шыққанда, бағалар 600 мың теңгеден басталып, 1,2 миллионға дейін жеткен.

Ірі электроника дүкендері Қазақстанда iPhone 17 сатылымының басталу күнін жариялады. Берілген мәліметтерге сәйкес, еліміздің тұрғындары жаңа гаджеттерді 26 қыркүйектен бастап сатып ала алады.

Олардың хабарлауынша, ресми түрде сатылымға келесі өнімдер шығады: "iPhone 17, ерекше қызғылт сары түсті iPhone 17 Pro, Pro Max, сәнді iPhone Air, жаңа Apple Watch үлгілері — Series 11, Ultra 3 және SE 3. Сондай-ақ Apple әлеміне толық ену үшін AirPods Pro 3 те ұсынылады".