Ғаламдық геосаяси жүйе сан қырлы және өте күрделі. Ресейдің Украинадағы басқыншылық соғысы, Израиль...
Түркістан музыкалық драма театрында «Қаламқас» пьесасы сахналанады
Түркістан облысы әкімінің баспасөз қызметі
1346
Түркістан музыкалық драма театры 18-19 мамыр күндері ақын-драматург Оңайгүл Тұржанның «Қаламқас» пьесасын сахналайды. Бұл туралы бүгін театрда өткен баспасөз жиынында кеңінен баяндалды, деп хабарлайды madeniportal.kz Түркістан облысы әкімінің баспасөз қызметіне сілтеме жасап.
Алдымен сөз алған театрдың көркемдік жетекшісі Шынар Омарова қойылымның басты кейіпкері 18-ші ғасырда өмір сүрген қазақтың батыр қызы Қаламқас Еселбайқызы туралы айтып берді. Сондай-ақ қазіргі таңда қызу талқыға түскен киік аулау мәселесі де қамтылғанын атап өтті. Өйткені қазақ халқы қашан да киіктерді өзіне жақын тұтып, аялап, киелі жануар деп санайды.
Спектакльдің қоюшы-режиссері, белгілі хореограф, өнертанушы Константин Семеновтың бұл Түркістандағы екінші қойылымы. Бұған дейін ол сахналаған Ермек Аманшаевтың «Қорқыт туралы аңыз» пластикалық қойылымы елімізде ғана емес, шетелдерге танылып үлгерді. Режиссердің айтуынша жас театр ұжымымен жұмыс істеу мол тәжірибе сыйлайды. Бұл жолы драма, поэтика, музыка, анимация, пластика бір-бірімен үйлесім тауып, заманауи техниканың барлық мүмкіндігі пайдаланылады деді. Бұл – Қаламқас» спектакліндегі ең басты ерекшелік. Сондай-ақ әр спектакль алдында қызу дайындықтан бұрын, қазақ тарихы мен мәдениеті туралы туындыларды оқитынын жеткізді.
Спектакль кейіпкерлерін толығымен Түркістан музыкалық драма театрының актерлері мен балет әртістері ойнайды. Театрдың жас әртістері Аида Серікова мен Айя Дәрібаева және Шерхан Саматұлы өз рөлдері туралы тарқатып, дайындық барысындағы қызықты сәттерімен бөлісті. Ал Қаламқастың пластикалық дублері, театрдың балетмейстер ассистенті Сакаи Мао көрерменге сөзден бөлек, дене қимылы арқылы да сол сәттегі әсерді беруге болады деп санайды. Сондықтан осы спектакльде балет труппасының үлесі зор дейді. Бұдан бөлек Мерей Құдайберген, Аида Жақсылықова, Гүлжанат Қаламғазина, Рүстем Шайхов, Асхат Тарих, Бекарыс Қарағұлов, Атабек Садырқұлов, Аслан Алиев бар.
Спектакльдегі Қаламқас жаугершілік жылдары ер азаматтардың орнын жоқтатпай, жұртына жау тигенде ауылдағы қыздарды өзі бастап, шайқасып, батырлығымен көзге түседі. Аштықта ауыл-аймақты киік аулап асырап аман алып қалады. Кезекті бір киік қуған аласапыран кезде қапыда Қаламқастың өзі де құздан ұшып мерт болады. Батыр қыз ғұмыр кешкен сол далада қызыл көйлекті қыз елесі аңшылардың алдын кес-кестеп, киіктерді қорғаштап жүреді деген аңыз бар. Бәлкім, бұл Қаламқастың рухы шығар?! Қойылым осы оқиғаға негізделген. Қазақ секілді сайын даланы еркін мекендеп, судың тұнығын ішіп, көшіп-қонып жүретін киіктерге садақ кезену Қаламқасқа оңай тимейді. Қойылымдағы «Киіктер биі» арқылы дала жануары адамзатқа тіл қатқандай әсерге бөленесіз.
Айта кетейік, «Қаламқас» пластикалық драмалық спектаклін қоюға көптеген тәжірибелі мамандар атсалысты. Идея авторы – Түркістан музыкалық драма театрының негізін қалаушы, тұңғыш директоры мен көркемдік жетекшісі Айнұр Көпбасарова. Композиторы – жас композитор Хамит Шанғалиев. Қазіргі таңда «Қаламқас» пластикалық драмалық қойылымының премьерасына қызу дайындық жүріп жатыр. Билеттер театр кассасында және Ticketon сайтында сатылымда.
Шоу-бизнес
Атақты продюсер Баян Мақсатқызы сұхбат барысында өмірінде өткен қиын кезеңдерімен бөлісті, деп хабар...
Жаңалықтар
Бүгін ҚР Мәдениет және ақпарат министрлігінің қолдауымен Қ. Қуанышбаев атындағы Қазақ Ұлттық музыкал...
Оқи отырыңыз
Жаңалықтар
Қазақстан – жаңа геосаяси жағдайда
Жаңалықтар
Ермек Маржықпаев Ақмола облысының әкімі болып тағайындалды
Көкшетау қаласының бұрынғы әкімі Ермек Маржықпаев Ақмола облысының әкімі болып тағайындалды. Бұ...
Жаңалықтар
БЕРЕКЕ БАСЫ – БІРЛІКТЕ
Анау бір жылдары, сайлау науқаны жүріп жатқан кез: «Жекешеленіңдер деп тым-тырақай етті...
Жаңалықтар
Жанайдар Сәдуақасов кеңестік идеологияға емес, халқына қызмет етті – тарихшы
Фото: ашық дереккөзденҚР Ұлттық академиялық кітапханасында мемлекет және қоғам қайраткері, саяси реп...
Жаңалықтар
Гүлзира Айдарбекова: Қайрат Димаш болып туылсам деп армандамайды
Дубайда концерт өткізген Қайрат Нұртастың басы дауға қалды. Шет елде ән кешін берген хитменге, желід...
Жаңалықтар
«Жыл волонтері – 2024» халықаралық сыйлығының жеңімпаздары анықталды
Астанада «Жыл волонтері» халықаралық сыйлығының биылғы жеңімпаздарын анықтау бойынша кон...
Жаңалықтар
Енді мемлекеттік сатып алуға тапсырыс берушінің жауапкершілігі артады
Мемлекеттік сатып алуға тапсырыс берушінің жауапкершілігі артады, деп хабарлайды madeniportal....
Жаңалықтар
8 наурызға орай аналарға бір реттік жәрдемақы төленеді
8 наурыз Халықаралық әйелдер күніне орай Астанада 34 мыңға жуық көпбалалы ана біржолғы әлеуметтік тө...