«Жағдайы ауыр»: Астанада жасөспірім лифтіде тұрған 5 жастағы баланы пышақтап кеткен

«Оқиғаны тергеу барысында психоневрологиялық диспансерде есепте тұрған кәмелетке толмаған адам анықталды. Оның заңды өкілдері полицияға шақыртылды, олар заңнамаға сәйкес міндетін тиісінше орындамағаны үшін қатаң жауапкершілікке тартылады.

Зардап шеккен бала ауруханаға жатқызылды, оған қажетті медициналық көмек көрсетіліп жатыр.

Осы оқиға бойынша қылмыстық іс қозғалды. Шабуыл жасаған жасөспірім қажетті тергеу әрекеттері жүргізілгеннен кейін белгіленген тәртіппен бірден оқшауланады», - деп жауап берді Полиция департаменті редакцияның сауалына.

«Бетінен бірнеше жерден жара алған бала жедел-медициналық жәрдем бригадасы №2 Көпбейінді қалалық балалар ауруханасына жеткізді. Баланың жағдайын кезекші травматолог және жақ-бет хирургы қарады. Баланың жалпы жағдайы – ауыр. Жақ-бет хирургиясы бөлімшесіне жатқызылды.

«5 жасар бала №2 көпбейінді қалалық балалар ауруханасының жақ-бет хирургиясы бөліміне жатқызылды. Дәрігерлер оны тексеріп, ота жасады. Хирургтер қан кетуді тоқтату үшін тамырларды байлау процедурасын жүргізді. Жалпы жағдайы ауыр деп бағалануда. Дегенмен, операциядан кейінгі жағдайы тұрақты», – делінген денсаулық сақтау басқармасының хабарламасында.