"Маугли" мультфильміне музыка жазған әйгілі композитор София Губайдулина өмірден өтті

Атақты композитор, РСФСР-дің еңбек сіңірген өнер қайраткері София Губайдулина 93 жасында өмірден өтті, деп хабарлайды Madeniportal.kz

София Губайдулина 100-ден астам симфониялық шығарма, театр мен киноға арналған музыка жазған. Оның еңбектерінің арасында "Маугли" мультфильмі, "Вертикаль" және "Чучело" фильмдерінің саундтректері бар. 2022 жылы ол "Грэмми" сыйлығына ұсынылған.

София Губайдулина 1931 жылы Чистополь қаласында дүниеге келген. 1954 жылы Қазан консерваториясын фортепиано сыныбы бойынша, ал 1959 жылы Мәскеу консерваториясын композиция мамандығы бойынша тәмамдады. 1963 жылы сол жерде аспирантураны аяқтады. 1960-1970 жылдары дыбыстық экспрессияның жаңа тәсілдерін зерттеді. 1969-1970 жылдары А.Н. Скрябин мұражайындағы Мәскеу эксперименталды электронды музыка студиясында жұмыс істеді.

1979 жылы Композиторлар одағының VI съезінде Тихон Хренников оны қатал сынға алып, "Хренников жетілігі" деп аталған қара тізімге енгізді. Бұл тізімге енген жеті кеңес композиторы ұзақ жылдар бойы радио мен теледидардан тыс қалды.

1991 жылы Губайдулина Германиядан стипендия алып, Ворпсведеде бір жарым жыл тұрды. Кейін Гамбург маңына қоныс аударып, өмірінің соңына дейін Германияда тұрды, бірақ Ресей азаматтығын сақтап қалды.