«Арабтың сөзін тықпаламаңдар»: Блогер Мөлдір Анарбаева имамның сөзіне шүйлікті

Сурет ашық дереккөзден алынды

Шоу-бизнес
1174

Белгілі блогер, тележүргізуші Мөлдір Анарбаева жәннәтті саудалаған мешіт қызметкерлерін қатаң сынға алды, деп хабарлады madeniportal.kz Skifnews.kz ақпарат порталына сілтеме жасап.

Ол елдегі діндарлар Меккеге сүйреп, жаназа шығарумен ғана айналысатынын ашып айтты.

Блогердің бұлай шүйлігуіне желіде жәннәтті 7 мың долларға бағалап, саудалаған имамның сөзі себеп болған. Ол: «Енді жәннәтті сатып алатын болдық па?» деп имамдарды сынап, өз ойын айтты.

«Жеті жүз мыңның ақшасын бересің, 7 млрд-тың проблемасын шешесің. 700 мың теңге бересің, 7 млн теңгенің бәлелерінен құтыласың. Жәннатты сатып алды деген Пайғамбарымыз бір сахабаны көрсетті. Ол анау сахаба жәннәтты сатып алды деген.

Жәннәтті сатып алатын адам дар болады. Қажылыққа 7 мың доллар ақша беріп, жәнәттық болып кететін адамдар болады. Олар жәннәтті тірі кезінде сатып алған адамдар», — деп айтылған видеода. 

Блогер аталған видеоға қатысты өз ойын ашық білдірді. 

«Сөз жоқ! Енді жәннәтті сатып алатын болдық па? Ақша бәрін шешеді. Ақша жинап сатып алайық. Жақында ақысына құдаймен кездестіремін десе де таң қалмаймын. 

Біздің діндарлардың жұмысы Меккеге сүйреумен, жаназа шығарумен ғана шектеліп тұр. Құдайдың барына оның ниетіне қарай нәсіп беретініне сенетін болса, ақыры жолын рухани әлемге арнаған екен, неге әңгімесін шыдамға, өмірдің құнды екеніне арнамайды? Өлімнен ақша жасап отырған мемлекеттер де бар…», — деп жазды ол.

Сонымен бірге ол өзін намазға жығылуға шақырған оқырмандарының біріне жауап берді. 

«Арабтанушылар. Бәрін біледі. Терминдерін де жаттаған. Мен қазақпын. Маған араптың сөз тіркестерін тықпаламаңдар», — деп кесіп айтты блогер.

PESTEL

Ұлыбританиялық әйел жігітінің биткоиндері сақталған флеш-дискіні лақтырып жіберді, деп хабарлайды MA...

Без категории

Қазақстанда көлік құралдары мен ауыл шаруашылығы техникасын өндіруді қолдау мақсатында жаңа салықтық...