Илон Масктың өмірлік серігі, музыкант Гримес TikTok трансляциясындағы мәлімдемелерімен талас-тартыс туғызды. Әлемдегі ең бай адамдардың бірімен жұптасқан Гримес коммунизмге ең қысқа жол - жасанды интеллект дейді.

Гриместің осы бір мәлімдемесі әлеуметтанушылар арасында қызу талқыға түсті. Жасанды интелектке көп үміт артып отырған капиталистік қоғам үшін күтпеген оқиға болғаны және бар. Оның үстіне қазіргі таңдағы беделді философтардың бірі, Славой Жижектің Covid-19 вирусына байланысты жазған мақаласында "короно вирусының капистализмге үлкен соққы болып тигені және әлемнің алдағы бет бұрысы коммунизмге жол ашуы мүмкін" деген сөздері де Гриместің мәлімдемесімен үндесіп жатқандай.

Алайда Орта Азия елдерінің "қаққанда қанын, сөккенде сөлін" алған коммунизмге қайта оралуға ниетіне жоқ екені белгілі. Қаншама жылдар бойы "теңдіктің" жалауын желбіретіп адам біткенді зар қақсатқан бұл жүйенің пайдасынан зияны көп тиді. Иә, әрине, Кеңестік үкімет Гегельдің шекпенінен шыққан Карл Маркстың философиясын дұрыс түсінбеді, олардың коммунизм жайлы ұғымы радикалданды, тирандық күйге енді деуіңізге әбден болады. Дегенмен, біз қалай десек те, Орта Азия халықтары ендігі коммунизмге қош қарамайтыны аян.  

Олай болса, болашағын жасанды интелектпен байланыстырып отырған әлем халықтары, соның ішінде Орта Азия бұл жағдайды қалай қабылдау керек? Орта Азия әлеуметтанушылары мен саясаттанушылары қандай пікірде? Жасанды интелект пен коммунизмнің қандай қатысы бар? Әлде Илон Масктың жұбайы асығыстық танытып, жаңылысты ма екен? "Мәдениет порталының" ендігі сұрағы: әлемнің болашағы қандай жүйемен байланысты? Әлемді билеген капитализмнің алтын тағы коммунизмге бұйыруы мүмкін бе? Сіз не дейсіз? 

madeniportal.kz