«Дядя Дональдтан» жалынды сәлем!»: Депутат ЛГБТ насихатшыларына тағы дүрсе қойды

Мәжіліс депутаты Еділ Жаңбыршин АҚШ президенті Дональд Трамптың ер мен әйел жынысына қатысты мәлімдемесінен кейін Қазақстандағы ЛГБТ насихатшыларына қатысты заң нормаларын енгізу мәселесін көтерді, деп хабарлады madeniportal.kz Malim.kz-ке сілтеме жасап.

Депутаттың сөзіне Дональд Трамптың инаугурацияда айтқан АҚШ-тың бұдан былай екі жынысты ғана мойындайтын сөзі негіз болған.

АҚШ президентінің шешімі Мәжіліс депутаттарының ЛГБТ-ға қарсы ұстанымымен ұштасқанын айтады. Өйткені «ұлтымыздың болашағына балта шауып жүрген азғын жолмен күресіп», Үкіметке бірнеше нақты депутаттық сауал жолданғанын мысал етті.

Оған қоса, ЛГБТ-ны насихаттауға тыйым салуды көздейтін арнайы заң нормаларын да әзірлеген. Алайда оған кейбір шенеуніктер батыс елдері өкілдерінің «демократияны шектеп жатырсыңдар», «адам құқығын таптап жатырсыңдар» деген ұстанымдарын желеу қылып, қарсылық білдіргенін қынжыла айтады.

Сондықтан, Үкіметке тез арада қолға алуға тиіс шараларды тізіп берді.

Бірінші, жоғарыда аталған петиция талаптарын толық қанағаттандыру керек.

Екінші, соған сәйкес шараларды бірігіп қарастыру қажет деп санайды.

Үшінші, ЛГБТ-ны қолдап, Мәжіліс депутаттарына ақпараттық шабуылдарды ұйымдастырған тұлғаларды тауып, жазалау қажет.