Пациентінің бұрынғы күйеуі дәрігерді ұрып өлтірді деп айыпталды

Таразда ер адамды үш жігіт аяусыз ұрып-соғып, кейін өз көлігіне салып, ауруханаға “көшеден тауып алдық” деп жеткізген. Марқұмның қарындасы ағасы ауыр соққыдан кейін есін жимастан қайтыс болғанын айтты. Енді ол қылмысқа қатысы бар барлық адам заң алдында жауап беруін талап етіп отыр, деп хабарлайды MadeniPortal.kz stan.kz-ке сілтеме жасап. 

Қаза болған ер адам медицина саласында жұмыс істеген. Оның қарындасының айтуынша, ағасына бұрын ем қабылдаған науқас әйелдің бұрынғы күйеуі бірнеше рет телефон соғып, тіл тигізіп, кейін кездесуге шақырған. Марқұм Думан мәселені сөйлесіп шешу үшін кездесуге бара жатқан. Алайда жолда оның көлігін әлгі ер адам және қасындағы екі жігіт тоқтатқан.

Марқұмның қарындасты істің мән-жайын Threads парақшасында жазды. Оның айтуынша, ағасы амандасуға қолын созған сәтте қасындағы адамдардың бірі оны доғал затпен ұрған.

Алайда денені жеткізген ер адам дәрігерлерге өзі туралы ештеңе айта алмаған.

Ал болиция бастапқыда барлығын ( 3 жігітті) ұстаған. Кейін екеуін жіберіп, тек біреуін қамауға алған. Тергеуші куәгер жүргізушіге “бір адам болды" деп айта салшы деп айтқан.

Марқұмның қарындасы ағасына жасалған шабуылға қызғаныш себеп болды деп санайды. Оның айтуынша, Думан мен аталған әйелдің арасында ешқандай қарым-қатынас болмаған.

Марқұмның қарындасының сөзінше, күдікті Думанмен кездеспей тұрып та өзінің ажырасқан әйелін ұрып-соққан екен.

Ер адамның қарындасы кінәлілерді түгел жазалауды сұрап отыр. 

“Ертең бостандықта жүргендері тағы да біреуді өлтірмеуіне кім кепіл. Біз бір ғана нәрсені талап етеміз: іске қатысы бар барлық адам жауапқа тартылсын. Бұл іс салғырттықтан “жабылып” кетпесін. Себепсізден себепсіз бір отбасын ойрандады. Бауырым тіл катпастан кетті. Осындай жауыздарға қатаң жаза беруді сұраймын”, – деп жазды қыз.