Қоқыс контейнерінен әйел адамның мәйіті табылды

Колорадо штатында Томас Перейлс есімді ер адам адам өлтіру, соттың қорғау туралы бұйрығын бұзу, тұрмыстық зорлық-зомбылық, марқұмның денесін қорлау және тергеуге кедергі келтіру баптары бойынша айыпталуда, деп хабарлайды MadeniPortal.kz.

People басылымының мәліметінше, айыптаулар үш баланың анасы, 37 жастағы Аннетт Мари Вальдестің өліміне байланысты. Әйелдің мәйіті 4 желтоқсанда Колорадо штаты, Вестминстер қаласындағы саябақта орналасқан қоқыс контейнерінен табылған. Алдын ала деректер бойынша, өлім 28 қараша мен 4 желтоқсан аралығында болған. Аннетт бірнеше күн бойы хабар-ошарсыз кеткендер қатарында болғаны айтылды.

Перейлс 5 желтоқсанда қамауға алынды. Куәгерлердің айтуынша, ер адам көрпеге оралған мәйітті саябақ аумағы арқылы алып жүрген. Қайтыс болған әйелдің ағасы Перейлстің денені арбамен тасып, бір жерден екінші жерге апарғанын көргендер болғанын жеткізді.

Перейлс пен Вальдестің ортақ балалары бар екені атап өтіледі. Әйелдің ағасы журналистерге отбасының оны бірнеше рет ер адамнан алшақтатуға тырысқанын, алайда Аннетт оның балаларының әкесі екенін алға тартып, қайта орала бергенін айтқан.

Қазіргі уақытта Перейлстің адвокат жалдағаны немесе сотта қандай ұстанымда болатыны белгісіз.

Тергеу жалғасуда.