Әйелі де полиция қызметкері: Алматыда өртенген күйі табылған полицейдің өліміне қатысты тың деректер айтылды

Алматы қаласы Әуезов аудандық полиция бөлімінің аға детективі Аслан Әлсеровтің өліміне қатысты жаңа мәліметтер пайда болды, деп хабарлайды MadeniPortal.kz Время басылымына сілтеме жасап.

Редакцияға жеткен ақпаратқа сәйкес, майор Әлсеров полиция күні қарсаңында жұмыстан үйіне кеш оралған. Оның мас болған-болмағаны әлі белгісіз. Алайда отбасында Аслан таба алмаған ұстара жүзіне байланысты жанжал туындаған екен. Бір қарағанда ұсақ-түйек нәрседен туындаған ауызша жанжал төбелеске ұласты. 

Марқұмның әйелі де полиция қызметкері екен. Полицейлер арасында Аслан бұрын да әйеліне бірнеше рет ұрып-соққан деген болжам бар. Әйел бірнеше рет Алматы қаласы Бостандық аудандық полиция бөлімінде жұмысқа келіп, айқын ұрып-соғу белгілерін көрсеткені хабарланды. Дегенмен басшылары басқа біреудің дауына араласқысы келмеді. Яғни көпбалалы ананы ешкім қорғамаған.

Оның орнына Арайлым Әлсеровадан  ақпан айында өз еркімен қызметінен кетуді сұраған.

Сол күні Арайлым айқайлай бастаған деген болжам бар. Содан  кейін оның 15 жастағы екі ұлы мен олардың 14 жастағы досы жүгіріп келген. Ұлдарының бірі әкесінің басын қатты доғал затпен ұрған болуы мүмкін, нақты немен ұрғанын тергеу әлі анықтаған жоқ.

“Олар ес-түссіз жатқан әкені тынысы тоқтағанша киіммен байлап қойған болуы мүмкін. Қараңғыда күдіктілер мәйітті көпқабатты үйдің жанындағы көлікке апарды. Мәйіт бұрын көрпеге немесе жаймаға оралған болуы мүмкін. Таңға қарай көлік Алматы облысының Кеген ауданындағы ауылдардың бірінен өтті. Көкпек-Көктал-Кеген тас жолынан тауға қарай жарты шақырымдай жүріп өткеннен кейін анасы мен ұлдары Асланның денесін өртеп жіберді”, – делінген басылымда.

Әлсеровтың сүйегін жоғалған малын іздеу үшін тауға кеткен жергілікті шопан тауып алып, полицияға қоңырау шалды. Тергеу енді бұл қылмыстың толық себептерін анықтау үшін бірнеше сот-медициналық сараптама тағайындау керек. Жұптың ұялы телефондары да тексеріледі. 

Арайлым Әлсерова, оның екі ұлы және 14 жастағы бала Алматы облысының Талғар аудандық полиция бөлімінің уақытша ұстау изоляторына орналастырылды. Олар қылмысын мойындағаны айтылады, бірақ әлі ресми мәлімдеме жасалған жоқ. Сот бекіткеннен кейін олар тергеу изоляторына ауыстырылады.

Аслан Әлсеров полицияға шамамен 10 жыл бұрын қосылып, арнайы жедел әрекет ету бөлімінде қызмет етіп, өткен жылдың тамыз айында Алматы қаласы Әуезов ауданының қылмыстық полиция бөлімінде аға детектив қызметіне тағайындалды.

Алматы облысында айдаладан полицейдің өртенген денесі табылған еді. Ер адамның денесі Көкпек – Көктал – Кеген тасжолынан шамамен 400 метр қашықтан табылған. Өртеніп жатқан денені мал іздеп жүрген шопан байқап, полицияға хабарлаған. Мәйіт түгелдей жанып кеткен. Ал оң қолынан өртенген арқанның қалдықтары табылған.

Тергеу дерегінше, қылмыс полицейдің Алматы қаласындағы пәтерінде жасалған болуы мүмкін. Кейін қылмыстың ізін жасыру үшін мәйітті өртеген.