Ақпарат және қоғамдық даму министрлігінің жауапты хатшысы тағайындалды

ЖАҢАЛЫҚТАР
2398

Қазақстанның мемлекет басшысы Нұрсұлтан Назарбаевтың өкімімен бірнеше министрлікте жауапты хатшылар ауысты.

Ақорданың ресми сайтында хабарланғандай, Жанат Мұратұлы Қожахметов Қазақстан Республикасы ақпарат және қоғамдық даму министрлігінің жауапты хатшысы болып тағайындалды. Ол ақпарат және коммуникациялар министрлігінің жауапты хатшысы қызметінен босатылған.

Сонымен бірге, Марат Алмасұлы Әзілханов қоғамдық даму министрлігінің жауапты хатшысы қызметінен, Асылжан Сарыбайұлы Мамытбеков ауыл шаруашылығы министрлігінің жауапты хатшысы қызметінен босатылды.

Еске сала кетсек, Қазақстанда ақпан айында үкіметтің құрамы ауысты. Бұдан бөлек, министрліктер қайта құрылды – бұрынғы ақпарат және коммуникациялар мен қоғамдық даму министрліктері біріктіріліп, ақпарат және қоғамдық даму министрлігі пайда болған.


sputniknews.kz

ЖАҢАЛЫҚТАР

Актер Шәріп Серік бес тәулікке қамалды, деп хабарлайды MADENIPORTAL.KZ. Мұны актердің бұрынғы сүйік...

ЖАҢАЛЫҚТАР

Ақмола облысындағы Макинск қаласында үйлерді су басып жатыр, деп хабарлайды MADENIPORTAL.KZ Sputnik....