Қазақстаннан қашып, БАӘ-ден табылды: халықаралық іздеудегі үш күдікті елге қайтарылды

ЖИ

ЖАҢАЛЫҚТАР
729

Қазақстанда түрлі қылмыс жасады деген күдікке ілініп, кейін Біріккен Араб Әмірліктеріне қашып кеткен үш адам елге экстрадицияланды. Қазір олардың барлығы тергеу изоляторына қамалды, деп хабарлайды MadeniPortal.kz.

Бас прокуратураның мәліметінше, күдіктілердің бірі 2019–2020 жылдары сыбайласымен бірге Астанада халықаралық орталық салуға арналған жер учаскесін алуға көмектесемін деген желеумен клиенттің 368 мың АҚШ долларын иемденген деген күдікке ілінген.

Екінші күдікті Алматыда қарақшылық шабуыл жасап, жәбірленушінің денсаулығына ауыр зиян келтіріп, 100 мың теңгеден астам мүлкін тартып алды деп айыпталып отыр.

Ал үшінші адам биыл жазда Астанада Қытай азаматының 24 200 АҚШ долларын ұрлады деген күдікке ілінген.

Қылмыстық қудалау органдарынан жасырынған үш күдікті де халықаралық іздеуге жарияланған. Кейін олардың БАӘ аумағында жүргені анықталып, Бас прокуратураның сұрауы бойынша Қазақстанға экстрадицияланды.

Қазіргі уақытта сотқа дейінгі тергеу қайта басталды. Күдіктілер тергеу изоляторында қамауда отыр.

ЖАҢАЛЫҚТАР

Оқиға Алтай қаласындағы Курчатов көшесінің маңындағы батпақты аумақта орын алған. 9 жасар бала жұқа...

Әлем

Индонезияның Бантен провинциясында кондитерлік фабрика өртеніп, 50-ге жуық қызметкердің қайда екені...