Құрылтай сайлауында 2,2 миллионнан астам адам дауыс берді

Қазақстанда өтіп жатқан Құрылтай депутаттарының сайлауында сағат 10:00-дегі жағдай бойынша 2 264 411 азамат дауыс берді. Бұл туралы Орталық сайлау комиссиясы мәлімдеді, деп хабарлайды MadeniPortal.kz.

ОСК-ның алдын ала мәліметінше, сайлаушылардың дауыс беруге қатысу көрсеткіші 17,96 пайызды құраған. Сайлаушылар тізіміне барлығы 12 605 788 адам енгізілген.

Өңірлер арасында ең жоғары белсенділік әзірге Қызылорда облысында тіркелді – 22,91 пайыз. Одан кейін Қарағанды облысы – 21,06 пайыз, Жетісу облысы – 20,87 пайыз. Шымкент пен Түркістан облысында бұл көрсеткіш 20,39 пайыз болды.

Ал ең төмен көрсеткіш Алматы қаласында байқалды – 9,96 пайыз. Астанада сайлаушылардың 17,01 пайызы дауыс берген.

Өзге өңірлердегі көрсеткіштер:

• Ақтөбе облысы – 20,28%;
• Шығыс Қазақстан облысы – 19,93%;
• Ұлытау облысы – 19,41%;
• Ақмола облысы – 18,91%;
• Атырау облысы – 18,75%;
• Жамбыл облысы – 18,25%;
• Батыс Қазақстан облысы – 17,97%;
• Қостанай облысы – 17,92%;
• Солтүстік Қазақстан облысы – 17,52%;
• Абай облысы – 17,35%;
• Алматы облысы – 17,19%;
• Маңғыстау облысы – 16,92%;
• Павлодар облысы – 15,98%.

Айта кетейік, 23 тамызда Қазақстанда жаңа бір палаталы Парламент – Құрылтай депутаттарының сайлауы өтіп жатыр. Дауыс беру жергілікті уақыт бойынша сағат 20:00-ге дейін жалғасады.