Азия ойындары. Сайыс күні командамызбен уланып қалдық - Евгений Кошкин

Фото: kazinform

СПОРТ
392

Қытайда өтіп жатқан қысқы Азия ойындарына қатысқан бір топ спортшы Алматыға келді, деп хабарлайды madeniportal.kz.

Kazinform тілшісіне берген сұхбатында ерлер арасында 100 метрге конькимен жүгіруден қысқы Азия ойындарының күміс жүлдегері Евгений Кошкин сайыс күні ас-ауқаттан уланып қалғанын айтты.

"Еліміздің қолдауын сезіндім. Жарыс жақсы өтті. Бірақ сайыс күні командамыздың бірнеше адамы, оның ішінде өзім де уланып қалдым. Сондықтан болар, менде 500 метрге сайыс сәтті шықпады. Неден уланғанымызды нақты білмедім, бірақ жағдайымыз ауыр болды. Әйтеуір жарыс басталғанша есімізді жинап алдық", - деді ол. 

Сонымен қатар Азиаданың күміс жүлдегері алдағы уақытта әлем кубогының 5 және 6-шы кезеңдеріне, сосын әлем чемпионатына қатысуды жоспарлап отырғанын атап өтті. Ал жазғы уақытта спортшы Олимпиадаға дайындалуға ниетті.

Евгений Кошкин жарысқа аттанған Ұлттық құраманың спорттық формасы мен Харбинде алған медальдың сапасына байланысты пікір білдірді.

"Спорттық формамызды алғаш көрген кезде оның сапасы таңқалдырды. Өте сапалы әрі Харбин үшін өте жылы болды. Ал медальдың сапасына келсек, осы уақытқа дейін ол менде қораптың ішінде болды. Сондықтан біраз уақыттан кейін не боларын білмеймін. Дегенмен, ауыр әрі әдемі, сол себепті Париж Олимпиадасындағы медальдардың «тағдырын» қайталамайды деп ойлаймын", - деді спортшы. 

ЖАҢАЛЫҚТАР

Актер Шәріп Серік бес тәулікке қамалды, деп хабарлайды MADENIPORTAL.KZ. Мұны актердің бұрынғы сүйік...

ЖАҢАЛЫҚТАР

Ақмола облысындағы Макинск қаласында үйлерді су басып жатыр, деп хабарлайды MADENIPORTAL.KZ Sputnik....